په بریتانیا کې بې چلوونکي (ډرایور) او کم مصرفه ټکسي، چې په جي پي ایس یا لارښود سیستم سمبال دی، جوړ شو.
دا ټکسي، چې د تېلو پر ځای په برېښنا چلېږي او دوه تنه پکې ځاییږي، د لندن ښار هیترو د نړیوال هوايي ډګر ته نژدې د میلټن کینز د سیمې په ځانګړو سړکونو کې تګ راتګ کوي.
څو عکسونه یې له تاسو تاندوالو سره شریکوو:
په دې موټر کې کارول شوې ټکنالوژي له هغو کامرو او سینسورونو څخه په استفادې، چې په موټر کې نصب شوي دي، ترافیکي مقررات رعایتوي. دا تکنالوژي ډېرې نورې ګټې ن هم لري. له دې امله چې په برېښنا چلېږي، د ژوند چاپېریال نه خرابوي (نه چټلوي) او له بلې خوا یې مصرف لږ دی.
هرکله چې سپرلۍ پکې کښېني، یوازې د سټارټ بټنه باید ټینګه کړي چې موټر روان شي.
دا ټکسي حاضردمه د لندن په دې ځای کې تګ راتګ کوي.
مسافر د سفر په ترڅ کې کولی شي چې په موټر کې ویدیويي لوبې وکړي یا انلاین ورځپاڼې وګوري او یا هم د ښار نقشه وګوري.
ګومان کېږي چې د دې پروژې د بریالیتوب په صورت کې به د موټرو سترې کمپنۍ په دې برخه کې پانګونه زیاته کړي.
