د فرانسې ۲۴ تلویزیوني چاینل په دې راپور کې، چې د افغانستان د لرغونو اثارو د لوټ او قاچاق په اړه یې چمتو کړی، نیمروز ښيي چې خلک په څه ډول د سکندر د وخت لرغوني اثار راباسي او بیا یې د زرنج ښار انتیک پلورونکي کابل ته لېږي.
وروسته د کابل کوچه مرغها ښيي او هلته یو انتیک بلورونکی ورته وايي چې یوه توره یې په دوبۍ کې په ۳۰ زره ډالره پلورلې ده.
د اطلاعلاتو او کلتور وزارت د لرغونپېژندنې ريیس نوراغا نوري وايي، د افغانستان تر ۴ زره په ډېرو ځایونو کې لرغوني اثار شته خو د ساتنې لپاره یې یوازې یوه ۵ سوه کسیزه قطعه لري چې د دومره زیاتو سیمو د ساتنې توان نه لري.