تاند- د مایکروسافټ خاوند او موسس بیل ګېټس غواړي چې د ۵۰۰ سپوږمکیو په وسیله د مځکې د ټولې کُرې ویدیو واخلي.
د مېل ورځپاڼې د راپور له مخې، بیل ګېټس د هغه ستارټ اپ ملاتړ کوي چې د مځکې د ټولو برخو د لوړ کیفیت د ویدیويي تصویرونو د اخیستلو لپاره جوړ شوی دی.
د ارت نوی (Earth Now) په نوم ستارټ اپ ۵ سوه سپوږمکۍ پورته کوي چې د مځکې ویدیو واخلي.
د بېل ګېټس ترڅنګ د سافټ بانک ارجاريي ريیس هم غواړي چې په دې پروژه کې پانګونه وکړي.
د دې پروژې لګښت یو ملیارد ډالره اټکل شوی خوتراوسه څرګنده نه ده چې څومره پیسې ورته برابرې شوي دي.
د دې پروژې په مرسته د غیرقانوني کب نیونې، د اوبو او هوا د وضعیت او د حیواناتو د لېږد رالېږد په شان مواردو کې مرسته کولی شي.