تاند- په داسې حال کې چې برقي یا الیکترونکی موټرونه په ډېرېدو دي، هڅه کېږي چې د دغو موټرو د بېټریو قوت زیات شي او د چارج کېدو وخت یې رالنډ شي.
په جرمني کې د موټر جوړولو یوې کمپنۍ د الیکترونیکي موټرو لپاره یو چټک چارجر جوړ کړی دی.
د دې چارجر په مرسته د ۴۰۰ کیلو متر لارې لپاره چارج، چې اوس ۸۰ دقیقې وخت ته اړتیا لري، ۲۰ دقیقو ته رالنډوي.
پورش کمپنۍ په برلین کې د خپل دفتر مخته دا چارجر کېښود.
دا چارجر له برښنا سره وصل دی او دې ته تیار دی چې د خلکو د موټر بېټرۍ، چې تراوسه پورې په ۸۰ دقیقو کې چارحېږي، په ۲۰ دقیقو کې چارج کړي.
دې کمپنۍ ویلي چې په ۲۰ دقیقو کې د دوی چارجر الیکترونیک موټر ته د ۴۰۰ کیلومتر مزل کولو امکان یا انرژي برابروي.
اوس دا چارجر د پورش کمپنۍ مخته په ازمېښتي ډول ځای پر ځای شوی خو ژر به د جرمني په نورو برخو او امریکا کې هم نصب شي.