لمر و
پیښور و
سیل رامات د لر او بر شو
اسمان وریځ شو
اعجاز وشو
ثنا شوه راڅرګنده
ورپسې وزیر وزیر علي وزیر و
یوه خور هم په بورقه کې سټیج ته راغله
چې د ویر کیسه یې پيل کړه
لور یې خړ پلو په اوښکو باندې لوند کړ
**********
لږ تیاره شوه
وریځې ټیټې پر جلوس شوې
باران تیز شو
شور هم زیات شو
چا ویل ستوري راښکته شو له پورته
هره پیغله د جلوس شوله ملاله
هر یو ځوان یې ایمل خان شو
د دریا او د ایمل روح روان هم
سټیج ته راغلو په بیان شو
د منظور نارې شوې پورته
نرپښتون منظور پښتون
پنجاب دی نامنظور پښتون
اپوټه شوله وینا د حمزه خان
چې ویل یې:
یو شور یې د شهرت و چې شوم پیښ په پیښور
حمزه مې په خاموشه مقبرو کې لټاوه