غواړی چې ځوان پاتې شی؟

ژباړه: حمیدالله حمیدي-

معلومه خبره ده چې د ټولو انسانانو مرګ او ژوند یوازې د خدای پاک په لاس کې دي او په دې هم پوره باور لرو، مخکې له دې چې انسان نړۍ ته راشي د مرګ ورځ، خوراک او څښاک هر څه یې له پیدایښت وړاندې ټاکل شوي وي. هغه عمر چې د خدای پاک له لوري راته ټاکل شوی، یوه ثانیه هم بدلون نه کوي. دلته هغه لارې چارې درښيو چې پر مټ يې تر وخت مخکې زړښت مخه نيول کېدای شي:

په ژوند کې څو کوچني بدلونونه کولای شي ستاسو د عمر د زیاتوالي لامل شي. وروستیو څېړنو ښودلې، ځینې بد عادتونه لکه سګرېټ څکول، ورزش نه کول او په کافي ډول د مېوو او سبزیو نه کارول د دې لامل ګرځي چې مرګ مو ژر مېلمه شي او یا هم په کم عمر کې د زړو کسانو څېره خپله کړی.

خو له نېکه مرغه ځینې واړه کارونه شته چې په ترسره کولو سره یې کولای شی هم ښکلې څېره ولری او هم ځوان پاتې شی:

۱– زیات خوراک مه کوئ

۲– ټلوېزیون ته ډېر مه ګورئ

۳– لمر ته د ډېر وخت لپاره مه کېنئ

۴– له یوازېتوبه ځان وژغورئ

۵– مېوه او سبزي وخورئ

۶– ورزش وکړئ

۷– سګرېټ مه څکوئ