تاند- په هند کې د ځیرک موبایل ټېلفونونو یوې کمپنۍ داسې ملفون جوړ کړ چې د انسان څېره پېژني او د پوځي وسایلو د کلکوالي اندازه ښيي.
ایل جي کمپنۍ په وروستیو ورځو کې د Q د لړۍ (سریز) لومړنی ملفون په هند کې نندارې ته وړاندې کړ.
دا موبایل، چې (LGQ6) نومېږي، په جولای کې په جنوبي کوریا کې هم ښودل شوی و.
د (LGQ6) ملفون شیشه ۵.۵ اینچه ده، فول روزولوشن یې ایچ ډي 2160X1080 دی.
د دغه ملفون په نورو ځانګړتیاوو کې د شا ۱۳ او د مخې ۵ پیکسلي کمره او ۳ ګیګابایټي رم او ۳۲ ګیګابایټه حافظه ده.
په دغه موبایل ټېلفون کې ۳ زره امپایري بېټرۍ کارول شوې. دغه راز له (4G، LTE) او وای فای سره د وصل کېدو وړتیا لري.