تاند- اپل کمپنۍ غواړي چې سږ کال داسې ځیرک (سمارټ) ساعت جوړ کړي چې د (LTE) وړتیاوې لري.
اوسني یا موجود ځیرک ساعتونه باید له ایفون سره وصل شي چې ستاسو پیغامونه ولېږي یا موسیقي یې په وسیله واورئ.
خو د اپل نوي سیلور ځیرک ساعتونه دې ته اړتیا نه لري چې له ایفون سره وصل وي. دا ساعتونه پر موبایل ټېلفون اتکا نه لري او پخپله ټول کارونه کوي.
اینټل کمپنۍ د اپل د دې نویو ساعتونو لپاره د ایل ټي اي موډیم په جوړولو کار کوي.
ټاکل شوې ده چې دا ساعتونه د سږ کال په مني کې بازار ته راووځي.