تاند- د تېلو د بیې د لوړېدو او د موټرو په تېلو د چاپېریال د ککړتیا د زیانونو له کبله الیکترونیک موټرو ته پام ورځ په ورځ زیاتېږي.
یو تازه راپور وايي، د ۲۰۳۵ کال تر پایه به په اروپا کې یوازې الیکترونیک یا برقي موټر پلورل کېږي.
په راپور کې ویل شوي چې په اروپا کې به د موټر جوړولو صنعت یومخ بدل شي.
په دې راپور کې چې د (آی این جي) د مالي ادارې جګپوړو شناندو خپور کړی او سرلیک یې دی«د الیکترونیک موټرو صنعت د اروپا د موټرجوړولو صنعت ګواښي» اټکل شوی، هغه خنډونه به چې اوس مصرفوونکي پر الیکترونیک موټرو له پانګونې راګرځوي په لنډ وخت کې لېرې شي.
دوی دغه راز د بېټریو د بیو کمېدا او د هغو د کیفیت ښه کېدا د دغو موټرو د مینه والو له زیاتېدو سره مرستندوی بولي او وايي چې په خلکو کې یې د الیکترونیک موټرو په وړاندې اعتماد زیات کړی دی.