هرکال په نړۍ کې لس ميليونه خلک په سرطان اخته کېږي. د امريکا په متحده ايالاتو کې د مرګونو په سلو کې پنځه ویشت د سرطان له امله وي.
څنګه چې فکر کیږي چې سرطان اکثر د جنتيک او محيطي عواملو په نتيجه کې رامنځته کېږي برعکس نوي څیړنې د سرطان يو عامل د حجروی تقسيماتو د خطا په نتيجه کې وي، د خطاګانو ډيريښت له عمر سره تړاو لري.
له ۳۱ مختلفو سرطانونو څخه يوازې ۹ د جنتيک او محيطي عواملو په سبب رامنځته کېږي.
د صحي ژوند په کولو سره کولي شو له هرو لس سرطانونو څخه د څلورو مخه ونيسو. د مثال په ډول د شرابو نه څښل، د سېګرېټو نه څکول، منځني وزن ساتل او له صحي تغذيې سره د سرطان خطر کمولي شو.
که محيطي عوامل په نظر کې ونيسو د سرطانونو له ۴۰ تر ۴۵ فيصده پورې زيات وزن او خرابی تغذيې، ۲۵ – ۳۰ فيصده پورې سېګرېټ، ۱۵ – ۲۰ فيصده پورې د نورو ناروغیو او پاتې نور: له حد نه زيات شراب، سترس، سپورت نه کول، د چاپېريال چټلتيا او د هوا په خرابوالي پوري تړلي دي.
نامناسبه تغذيه ترټولو زيات له دغو سرطانونو سره تړاو لري؛ د لويو کلمو، معدې، پروستات، پانکراس، صفرا ، او رحم سرطان.
سرطان په لاندې غړو کې پيدا کېږي:
مغز ۱ ٪
پوستکی ۱۰ ٪
تناسلي برخه نران ۲۰٪ ښځې ۸٪
سينه ۱۴٪
هاضمې سيستم ۲۵٪
تنفسي سيستم نران ۲٪ ښځې ۳٪
ځيګر او کيسه صفرا ۳٪
نور غړي ۸٪