ژباړه:حمیدالله حمیدي
د شلغمې پاڼې او بېخ دواړه د ګټې اخیستنې وړ دي، خو له بېخ څخه یې پاڼې ګټورې دي؛ ځکه چې ګڼ شمېر مغذي مواد او ګټور ترکیبات لري.
د روم پېژندل شوی فیلسوف (پلینیوس پیر) شلغمې د خپل دور او زمانې تر ټولو مشهور خواړه بللي دي.
د شلغمو ګټې:
۱- د سرطان مخه نیسي
دا چې شلغمې په خپل ترکیب کې په زیاته کچه انتي اکسیدان او مغذي مواد لري، نو په بدن کې د سرطان مخنیوی کوي. نباتي ترکیبات لکه ګلوکوزینولات یې په بدن کې له سرطان زېږوونکو ترکیباتو سره مبارزه کوي او نه پرېږدي چې وده وکړي.
۲- زړه روغ ساتي
شلغمې د التهاب ضد خاصیت لري چې د زړه د حملو پر وړاندې ګټور تمامېږي او د زړه د ناروغیو مخه نیسي. دغه راز شلغمې کولی شي چې په وینه کې د کلسترول د زیاتوالي مخه هم ونیسي. شلغمې په زیاته کچه فولات او ويټامین بي لري چې د زړه او عروقي ناروغیو لپاره ګټورې تمامېږي.
۳- د هاضمې سيستم پیاوړی کوي
په شلغمه کې په زیاته کچه فیبر شته چې د هاضمي سيستم له پیاوړتیا او روغتیا سره مرسته کوي.
۴- هډوکي روغ ستاتي
شلغمې په خپل ترکیب کې کلیسم، پوتاشیم او نور ضروري معدني مواد لري چې د هډوکو په وده او کلکوالي کې مرسته کوي او د هډوکو د ګڼو ناروغیو او پودګۍ مخه نیسي.