تاند (چهارشنبه، د اسد ۱) د ارزګان ولایت سیمه ییز چارواکي وايي چې د سړک غاړې ماین چاودنې له امله د درېیوو قومندانانو په ګډون ۷ تنه امنیتي سرتېري وژل شوي دي.
د ارزګان د والي ویاند زړګی عبادي وايي پېښه په خاص ارزګان کې د سړک غاړې ماین چاودنې له امله رامنځته شوې ده.
د عبادي په خبره په یاده چاودنه کې د خاص ارزګان ولسوالۍ امنیه قومندان دادګل، د سیمه ییزو پولیسو قومندان او دغه راز د ملي اردو د یو قومندان په ګډون ۷ تنه امنیتي سرتېري وژل شوي دي.
بلخوا طالبانو ویلي چې د امنیتي ځواکونو یاد درې قومندانان یې په درېېوو جلا جلا بریدونو کې په نښه او وژلي دي.