تاند(یکشنبه، د سرطان ۲۹) وروسته له هغې چې پژواک خبري اژانس پاکستان ته د ۳۲ مصنوعي تنفسي دستګاوو د قاچاق راپور خپور کړ، دغه خبر د هیواد دننه او بهر د ګڼ شمېر خلکو توند غبرګونونه راوپارول ځکه چې په هیواد کې ګڼ شمیر خلک د اکسیجن د کموالي سره مخامخ ول.
له دغه راپور وروسته د پژواک خبري اژانس له لوري په امریکا کې په افغان سفارت کې د فساد په تړاو یو بل راپور خپور شو چې ویل يې، په امریکا کې د افغان سفارت ودانۍ ۷۰ متره اوږد دیوال په ۱.۸ میلیونه امریکایي ډالر جوړ کړی دی چې په کې د لوړ فساد یادونه شوي وه .
https://www.facebook.com/ahmadsohib.hasratafghan/videos/945174445895583/
اوس د دې اژانس په وینا یو شمیر ګواښونه د یادې ادارې مشرتابه ته شوي دي.
تازه دانش کړوخیل د ملي شورا له غړو سره په خبرو کې وویل “چې د ده د وژلو لپاره یوه چارواکي ځانمرګی په ۳۱ زره ډالرو اخیستی چې تر ده سبز سیمې پورې رارسیدلی هم دی.
دانش کړوخیل هم د افغانستان د خپلواکو خبریالانو له ټولنې سره په لنډو ټیلفوني خبرو کې د یادې موضوع د تایید ترڅنګ ویلي چې موضوع یې له ملي امنیت شورا او د ملي امنیت له مشرتابه سره شریکه کړي ده، او د یاد ګواښ په تړاو یې پوره اسناد ورته وړاندې کړي دي.
دانش کړوخیل یو ځل مخکې هم ویلې وه چې ځینې کړۍ یې تهدیدوي او د مرګ ګواښونه ورته کوي.
افغانستان که څه هم د نړۍ په هیوادونو کې د خبریالانو لپاره یو خونړی هیواد دی
خو اوس پوښتنه دا ده چې د وینټلاټورونو او په ځینو نورو قضیو کې د فساد له ښکاره کولو وروسته ولې دغه ډول ګواښونه کیږي.