تاند (دوشنبه، د سرطان ۲۳) پروان ولایت کې د امنیتي سرتيرو پر پوستو وسله وال بریدونه شوي.
پروان کې د امنیتي سرتيرو پر پوستو وسله وال بریدونه شوي چې پکې ۴ امنیتي سرتيري وژل شوي او ۵ نور ټپیان دي.
له سیمې څخه سرچینې وايي چې نښتې څلور ساعته دوام درلود چې درې امنیتي سرتيري پکې تري تم هم شوي دي.
ویل کیږي چې نښته د شپې شاوخوا ۱۱:۲۰ بجې هغه مهال رامنځته شوې چې طالبانو د شینوارو ولسوالۍ په اشتر او نمک آب کلیو په پوستو بریدونه وکړل.
سرچینې ویلي د امنیتي ځواکونو په ځوابي ډزو کې ۴ طالبان هم وژل شوي او پاتې نور یې له سیمې څخه تښتېدلي دي.
تر اوسه د دغه برید په اړه سیمه ییزو چارواکو او طالبانو څه نه دي ویلي.