تاند (شنبه، د سرطان ۲۱) د هند د سینما نامتو لوبغاړی امیتابچن په کورونا له اخته کېدو وروسته په روغتون کې بستر شو.
وروسته له دې چې د امیتابچن د کورونا ټیست مثبت ثابت شو، د درملنې لپاره د مومبای په ناناویتي روغتون کې بستر شو.
امیتابچن د خپلې ناورغۍ خبر پر خپله ټویټرپاڼه اعلان کړ. ده لیکلي «زما د کورونا ټیست مثبت و، روغتون ته لاړم…»
ده همداراز د خپلې کورنۍ له غړیو، د روغتون له کارکوونکو چې دی یې معاینه کړی، له هغو خلکو چې په وروستیو لسو ورځو کې یې له ده سره له نژدې ناسته پاسته کړې، غوښتي د کورونا لپاره معاینه وکړي.
له امریکا او برازیل وروسته په نړۍ کې اوس په کورونا تر ټولو ډېر خلک په هند کې اخته دي.
په دغه هیواد کې ۸ لکه ۴۹ زره ۸۱۷ تنه په کورونا اخته دي او ۲۲ زره ۶۸۵ تنه مړه شوي دي.