تاند (چهار شنبه، د سرطان ۱۸) مارک ایسپر: پلانونه مې په خپل یو کلن ماموریت کې بریالي دي
د امریکا د دفاع وزیر مارک ایسپر وايي په خپل یو کلن ماموریت کې بریالی دی او په خبره یې چې روسیه او ایران یې تر خپل سخت فشار لاندې راوستي دي.
د پنټاګون په خپره شوې اعلامیه کې ویل شوي چې د ایسپر پلانونه او نظامي اقدامات تر اوسه بریالي روان دي او توانېدلی چې د امریکا لپاره رامنځته شوي ګواښونه له منځه یوسي.
د امریکا د دفاع وزارت د اعلامیې پر اساس هغه ویلي، چې په سمندرونو کې یې د پوځي بېړیو امنیت خوندي دی او رامنځته شوي تهدیدات یې له منځه وړي دي.
دده په خبره ایران یې د سختو فشارونو له وجې کمزوری کړی او روسیه یې هم تر خپل څار لاندې راوستې ده.
د امریکا دغه لوړپوړي چارواکي په خپلو خبرو کې زیاته کړې چې لا هم د امریکا د پیاوړتیا لپاره کار کوي او ستر پلانونه ورته لري.
دی وايي ترهګرې ډلې به ختموي، په سیمه او نړۍ کې به امنیت تامینوي او د امریکا او متحدینو پر وړاندې به یې شته ګواښونه له منځه وړي.
دروغ مه وایاست. دا څنګه د ترهګرو ختمول دي، چې طالبان مو ۲۰ کاله په پټه و پالل او نازول او اوس مو په ښکاره ورسره تارونه غځولي دي.