تاند (شنبه، د سرطان ۱۴) هرات کې یوې بمي چاونې درې پولیس ووژل
د هرات ولایت سیمه ییز چارواکي وايي، چې د سړک غاړې په بمي چاودنه کې درې پولیس وژل شوي او درې نور ټپیان دي.
د هرات د امنیې قومندانۍ ویاند عبدالاحد ولي زاده وویل چې دا پیښه نن شنبه د هرات – اسلام قلعه په لویه لاره رامنځته شوې ده.
د هغه په خبره، د احمدآباد سیمې په مربوطاتو کې ځای پر ځای شوي ماین هغه وخت چاودنه وکړه چې د کهسان ولسوالۍ د پولیسو یو هاموې موټر د سړک څخه د تېریدو په حال کې وه.
د یادونې وړ ده چې د هرات سیمه ییز چارواکي په دغه ولایت کې د هرات – اسلام قلعه په لویه لاره د پوستو د زیاتوالي خبر ورکوي، مګر په دې وروستیو کې په دې سیمه کې د طالبانو بریدونو زور اخیستی.
دا په داسې حال کې ده چې څو ورځې وړاندې د همدې لارې په اوږدو کې د ماین په یوه چاودنه کې څلور تنه پولیس وژل شوي او دوه نور ټپیان ول.