تاند ( شنبه، د سرطان ۱۴) په دوحه کې قطري او امریکایي چارواکو افغانستان کې د پانګونې پر فرصتونو خبرې کړي دي.
افغان سولې لپاره د امریکا ځانګړي استازي زلمي خلیلزاد ویلي، چې دوحه کې یې د قطر د حکومت له لوړپوړو چارواکو سره کتلي او پر افغان سوله یې ورسره خبرې کړې دي.
خلیلزاد زیاته کړې، چې دوی د دې سربېره افغانستان کې د پانګونې پر فرصتونو هم خبرې کړې دي او په دې غونډه کې امریکايي لوري له قطرغوښتي، چې په افغانستان کې پانګونه وکړي او په بنسټیزو پروژو کې ونډه واخلي.
نوموړي ویلي، چې په دې ناسته کې افغانانو ته د کاري فرصتونو پر برابرولو هم په ټینګار سره خبرې وشوې.
خلیلزاد وایي دوی هڅه کوي تر سولې وروسته افغانستان کې سترې بنسټیزې پروژې پيل او په افغانستان کې د پام وړ اقتصادي وده کړي.