تاند ( جمع، د سرطان ۱۳) ننګرهارکې د شوکاڼي د اتحادیې مسولان وایي په دې ولایت کې د دوی ۳۴ فابریکې له سقوط سره مخ دي.
دوی یې علت د دولت له لوري د فابریکو مسولانو ته د قراردادونو نه ورکړه یادوي.
ننګرهارکې د شوکاڼي د اتحادیې مسؤل دلارو جرنېل زاده وایي، د یادو فابریکو د کارونو د دریدو له امله تر ۲۰ زره زیات ځوانان بې روزګاره شوي دي.
نوموړي زیاته کړه، چې په دې ولایت کې ګڼې فابریکې د څو میاشتو راهیسې د قراردادونو د نه لرلو له امله په ټپه ولاړې دي.
جرنېل زاده زیاته کړه، چې هېواد کې یې پانګه اچونه کړې او هرکال له همدې فابریکو ۵۰۰ میلیونه افغانۍ عواید د حکومت خزانې ته ورځي.
بل لورته د کانونو او پطرولیم وزارت مسولان بیا د بیا ځلې قرارداد کولو ډاډ ورکوي.
دوی وایي دوی به له هغو شرکتونو سره قرارداد وکړي کوم چې په هېواد دننه پروسس چارې ترسره کړي.
په دې خبر خو زه پوه نه شوم۔ شوکاڼي څم مانا۔ دا څه دي چې بايد دهېواد د ننه پروسس شي۔
شوکاڼی یوه سپینه ډبره ده چې سپلۍ یا نرمه ډبره او په انګلیسي کې ورته تالک وایی ، د درملو جوړولو ، ربړ جوړولو ، کاغذ جوړولو ، روغني رنګ ، ساختماني موادو ، د ماشومانو په پوډرو ، برقي ساکتونو او نورو شیانو کې ترې کاراخیستل کيږي .