تاند (پنج شنبه، د سرطان ۱۲) د کونړ په والي وسله وال برید شوی
د کونړ پر والي عبدالستار میرزکوال د کابل جلال آباد په لویه لاره د لغمان د سرخکانو په سیمه کې برید شوی چې نوموړی ترې روغ وتلی، خو دوه ساتونکي یې ټپیان شوي دي.
.د لغمان د والي ویاند اسدالله دولتزی پیښه تاییدوي، خو زیات معلومات یې نه دي ورکړي
د یادونې ده چې په دې وروستیو کې په هېواد کې وسلوالې نښتې او بریدونه زیات شوي چې، د ولسي وګړو سربېره حکومتي چارواکو ته هم مرګژوبله اوړي.
تر اوسه کوم چا یا وسله والې ډلې د یاد برید مسؤولیت نه دی منلی.