تاند، پنجشنبه، د سرطان ۵مه: د برښنا شرکت وايي، د دشت الوان او ارغندي تر منځ د ۱۰۰ میګاواټه برېښنا د غځولو چاره کې زیات پرمختګ شوی دی.
د برښنا شرکت لخوا تاند ته په استولې خبرپاڼه کې راغلي چې د ۵۰۰ کیلو ولټه په ظرفیت د دغه لاین د غځونې په پروژه د اسیايي بانک ۱۷۳ میلیونه ډالر لګښت راځي.
دغه لاین د بغلان، پروان او کابل څخه تېرېږي او د میدان وردګو، غزني، زابل، کندهار، لوګر، خوست، پکتیا، غزني او پکتیکا بریښنا به ورسره تامین شي.
یاد ریاست ادعا کړې چې په دې پروژې سره به د مرکزي ولایتونو تر څنګ د جنوب، جنوب لویدیځ او جنوب ختیځ ولایتونو د بریښنا ستونزه حل شي.
دا په داسې حال کې ده چې د طالبانو د رژیم په له منځه تلو ۱۹ کاله تېر شول خو لاهم د افغانستان ګڼې سیمې دایمي بریښنا نه لري.
که څه هم افغانستان په وروستیو کلونو کې زیاته وارداتي بریښنا ترلاسه کړې، خو اوس افغان حکومت هڅه کوي له خپلو زیرمو څخه د هیواد بریښنا تامین کړي.
نو دا هڅه به کله په عمل بدله شي ، چې بابا راغلی دي او هڅې روانې دي !!
که دوی واقعا غوښتلی نو نن به د هڅو په ځای لاسته راوړنې راپور کیدلی ..