محمد مبین هڅاند –
ځینې خلک ام د مېوو بادشاه هم بولي، د بادشاهی وجه یې صرف ښه خوند نه دی، بلکې د آم دومره فایدې دي چې شمېر یې اسان کارنه دی.
طبي ماهران وایي، آم د وېټامین ای یوه لویه منبع ده او د دې ترڅنګ خوراک يې د انسان له تازه توب او صحتمندۍ سره مرسته کوي.
پر دې سربېره د انسان په مخ او نور بدن باندې دانو ته هم اجازه نه ورکوي او د وېټامین ای د لرلو په وجه نه پرېږدي چې د انسان د سترګو نظر کم شي.
په آم کې د وېټامین سي د شتون له کبله د انسان د وینې کولېسټرول په عادي حالت کې وي او بله دا چې انسان د ساه لنډۍ څخه هم ساتي.
طبي ماهران وايي، د آم خوړل انسان د غاښونو او د وینې د سرطان یا کېنسر څخه هم ساتلائ شي ځکه چې په آم کې انټی اکسېډنټ مواد دي چې دغه مواد د یادو ناروغیو په مخنيوي کې خورا مهم رول لري.
آم د هډوکي ناروغیو، فشار او د هاضمې سیستم لپاره ترټولو تازه مېوو زیات ګټور دي.