تاند/ جمعه د تلې – میزان ۳مه/ د افغانستان الف کرکټ ملي لوبډله ( ابدالیان) لوبدله نن جمعه د نیپال پر وړاندې د سیالۍ ډګر ته ښکته کېږي.
دغه لوبه به په څو شېبو کې پیل شي.
د دې لوبو کوبه هېواد جاپان دی چې، پرون یې له افغانستان څخه ماتې وخوړه.
په لومړۍ لوبه کې افغان ابدالیانو لوبډلې جاپان ته د ۶ لوبغاړو په زیان ۴۸ منډو په توپير ماتې ورکړه او دا سفر یې په بریا پیل کړ.
افغان ابدالیان لوبډلې په لومړۍ پاڼۍ کې د ۶ لوبغاړو په زیان سره ۱۲۹ منډې جوړې کړې او سیالې جاپان لوبډلې ته یې د ۱۳۰ منډو هدف وټاکه.
د افغان لوبډلې په ګټه محمد اکرم ۳۴، لوبډلمشر دروېش رسولي ۲۹، محمد اسحاق ۲۵* او کریم جنت ۲۱ منډې جوړې کړې.
کوربه لوبډلې په ۱۹ اور کې د ټولو لوبغاړو په له لاسه ورکولو سره ۸۰ منډې وکړې او په دې سره د هېواد لوبدلې بریا خپله کړه.