یو څوک چې د خدای(ج) احکام بيانوي، څوک چې خلکو ته سمه او د خدای د سپېڅلي کتاب لاره ښيي؛ څوک چې شپه او ورځ بې له وسلې د خلکو په چوپړ کې وي؛ څوک چې د جګړې او وژلو پر ضد وي؛ څوک چې له خپل هیواد سره مینه لري؛ څوک چې د پردیو نوکري نه مني؛ څوک چې په دین کې خرافاتو ته اجازه نه ورکوي؛ څوک چې خلکو ته تل رښتیا وايي؛ څوک چې د خپلو وسله والو ځواکونو ملاتړ کوي؛ څوک چې په ملت کې ځای لري؛ څوک چې خلکو ته کران او منلي وي؛ څوک چې ځان ته حلاله روزی پیدا کوي؛ څوک چې د هېواد پرمختګ غواري؛ څوک چې د جهالت پر ضد بيرغ اوچتوي؛ څوک چې ملي فکر کوي؛ څوک چې پر ملي یووالي باور لري؛ څوک چې تعصب نه کوي؛ څوک چې ښه افغان وي او څوک چې د هېواد دښمنانو ته خپل سر نه ټيټوي او تل خپل اسلامي او افغاني غرور او مېړنتوب لوړ ساتي.

دوی د دښمن د سترګو اغزی دی او ځواک يې له يوې قول اردو څخه ډېر دي، ځکه يې نه کورنی او نه بهرنی تالې څټي زغملی شي.