 د افغانستان د کورنیو چارو وزارت وايي، هغه پولیس یې موندلی چې یوه شات پلورنکې نجلۍ یې ځوروله.){kind=link}
تاند(پنجشنبه، د جوزا۲۲) د افغانستان د کورنیو چارو وزارت وايي، هغه پولیس یې موندلی چې یوه شات پلورنکې نجلۍ یې ځوروله.
د کورنیو چارو وزارت په وینا، وروسته له دې چې نجلۍ شکایت وکړ چې یو پولیس یې ځوروي، دوی د دغه پولیس د پېژندلو او نیولو اقدام وکړ او ورته څرګنده شوه چې دغه پولیس د درېمې حوزې د جنايي مدیریت غړی دی.
د کورنیو چارو وزارت ویلي، خلکو ته ډاډ ورکوي چې تل پر خپلو کارکوونکو او د هغوی پر چلند څارنه کوي او په داسې مواردو کې به له هیڅ زغمه کار وانخلي.
د کابل په څلورمه کارته کې یوې شات پلورنکې نجلۍ له یوه تلویزیون سره په مرکه کې شکایت کړی و چې د درېمې حوزې د پولیسو یو مامور یې ځوروي او د دې د کار خنډ کېږي.
د نجلۍ له شکایته وروسته ګڼو کسانو په خواله رسنیو کې اعتراضونه وکړل چې د کورنیو چارو وزارت توجه یې ځان ته واړوله او د پولیس د موندلو او پېژندلو لپاره یې کار پیل کړ.
که لږ فکر وکړو په اسلامی هیواد کښی ولی ښځو ته ازار ورکول زیاد دی۰حال دا چه اسلام
کښی وایی۰۰ هغه څه چه د ځان لپاره نه غواړی دبل مسلمان لپاره یی هم مه غواړه۰
زه باور لرم چه هیڅ څوک د خپلی خور یا لور لپاره ازار ورکول نه غواړی پشتون هو په ناموس ځان او بل هم وژنی ۰راشی د ښو اخلاقو خاوندان شو۰
که یو څوک پر خپل ځان کورنی او نږدی خپلوانو د اصلاح لپاره لاس په کارشی لیری نه ده چه
د یو ی ښی تولنی لرونکی واوسو۰ په ډیر درناوی