تاند، چهارشنبه، د جوزا ۲۱ مه: د دري ادبیاتو نامتو شاعر او بیدل پېژندونکی حیدري وجودي د ۸۱ کلونو په عمر ومړ.
مولانا، بیدل پېژندونکی او د دري ادبیاتو نامتو شاعر او عارف حیدري وجودي د ۸۱ کلونو په عمر نن له دې نړۍ سترګې پټې کړي.
د افغانستان د اطلاعاتو او کلتور وزارت هم دغه پېښه تاییدوي.
د دې وزارت ویاند صابر مومند تاند ته تایید کړه چې حیدري وجودي د ۸۱ کلونو په عمر د ورپېښې ناروغۍ له امله نن ومړ.
حیدري وجودي د افغانستان د لمریز کال د درېیمې لسیزې وروستۍ شاعر او عارف و.
هغه له تیرو څو کلونو راهیسې د کابل د عامه کتابتون کار کوونکی و.
د معلوماتو له مخې حیدري وجودي نیمه پېړۍ په دري ادبیاتو کې شعر لیکلی دی.
ښاغلی حیدري وجودي د پنجشیر ولایت اصلي اوسېدونکی دی.