تاند- د بریتانیا په لیستر پوهنتون کې شوې څېړنې ښيي چې د کب پروتین د زړه او د زړه د رګونو د ناروغیو د درملنې لپاره ګټور دي.
څېړنې وايي چې په کبانو کې موجود پروتین د قلبي ناروغیو او د وینو د رګونو د بندېدو له درملنې سره د مرستې ترڅنګ د مغزي سکتې، د زړه د حملې او د زړه د بې کاره کېدو له مخنیوي سره هم مرسته کوي.
د کبانو پروتین، چې پېټید هم ورته وايي، د ځینو هیوادونو په پلورنځیو کې پلورل کېږي.
تر دې مخکې د امریکا د زړه د ناروغیو ټولنې ویلي و چې د کب پروتین نااشباع شوي غوړ او امیکا ۳ غوړ اسیدونه لري چې ټول د زړه لپاره ګټور دي.
دې ټولنې خلکو ته سپارښتنه کړې چې لږ ترلږه په اوونۍ کې دوه ځلي کب وخوري.
دیره دیره مننه د تاند نه او هیله مند یم چی د نورو مطالبو په څنګ کی د روغتیا مطالب زیات خپاره کړی مننه