تاند (دوشنبه، د جوزا ۱۹) بریتانیايي رسنۍ د طالبانو په قول وايي چې د دې ډلې مشرانو د افغانستان له حکومت سره د سولې د خبرو لپاره د خپلې اجنډا په برابرولو کار پیل کړی دی.
د مېل ورځپاڼې د راپور له مخې، د طالبانو له لوري د سولې خبرو ته تیاري په افغانستان کې د سولې لور ته مهم او اساسي ګام ګڼل کېږي.
د ورځپاڼې پر اساس، تراوسه پورې د خبرواترو د پیل لپاره نېټه نه ده ټاکل شوې خو د افغانستان د سولې لپاره د امریکا ځانګړی استازی زلمی خلیلزاد قطر ته رسېدلی چې د طالبانو له استازو سره پر دې موضوع خبرې وکړي.
خلیلزاد پرون په کابل او راولپنډۍ کې د سولې د پروسې د راتلونکي پړاو په اړه خبرې وکړې.
په کابل کې یوې دولتي سرچینې پرون تاند ته وویل چې د افغانستان لپاره د امریکا ځانګړي استازي له افغان چارواکو سره د بین الافغاني خبرو د ځای او نېټې په اړه خبرې کړي دي.
راپورونه وايي چې خلیلزاد په کابل کې له افغان چارواکو سره د سولې د خبرو د پیلېدو د نېټې او ځای په اړه موافقې ته رسېدلی دی.
ډیلي مېل ورځپاڼې د طالبانو په قول لیکلي، د طالبانو د مشرتابه شورا د سولې د خبرو د پیلولو په اړه له خپلو غړیو وړاندیزونه غوښتي دي.
ورځپاڼې لیکلي چې دغو طالبانو، چې نه یې غوښتل نومونه یې څرګند شي، همداراز وویل چې د طالبانو مشر ملاهبة الله اخوندزاده د افغانستان د حکومت او طالب استازو ترمنځ له خبرو سره موافقه کړې ده.
دوی ویلي چې تر خبرو مخکې مهمه دا ده چې د دواړو خواوو ترمنځ بندیان تبادله شي.
تب لكم يا اشرار الدنيا و عبيد الاجانب- يا مرتزقة باکستان و الاخرون. حقا انکم نساء بلا نکاح لباکستان و مخابراتها الاشرار- اهلککم الله جمیا و لاتذر منکم و لا واحدا.