تاند- د افغانستان د عامې روغتیا وزارت وايي چې په هیواد کې په ایچ آی وي باندی د اخته کسانو شمېر په سلو کې ۱۰ زیات شوی دی.
د عامې روغتیا وزارت د چارواکو په وینا، تراوسه دغه وزارت په ایچ آی وي یا د ایډز په ویروسو د اخته کسانو ۱۶۹۴ قضیې ثبت کړي خو حقیقي شمېر تر دې ډېر دی.
د عامې روغتیا وزارت وايي، ممکن په ټول افغانستان کې به ۴۵۰۰ تنه د ایډز يه ویروسو اخته وي.
د ایډز ویروس په وروسته پاتې هیوادونو کې زیات خپرېږي ځکه چې د اقتصادي ستونزو له کبله له یو وار استعمالېدونکو ستنو او پیچکاریو کار نه اخیستل کېږي، د وینو بانکونه یې هم پوره خوندي نه وي او ناروغ په اسانه نه تشخیص کېږي.
ایډز د جنسي رابطې او د وینې له لارې له یوه انسانه بل ته سرایت کوي.
ایچ آی وي د مخدرو موادو د استعمالوونکو په منځ کې خورا عام دی ځکه چې نشه یان له ورته ستنو څخه کار اخلي.