د المپیک د نړیوالې کمیټې رئیس تامس بک، وایي که چیرته د کروناویروس په وجه په ۲۰۲۱ کې هم د المپیک لوبې ونشي، باید دغه لوبې لغوه شي.
د مارچ په میاشت کې د المپیک نړیوالې کمیټې او د جاپان حکومت په ګډه د کروناویروس د خپریدو له امله د یو کال لپاره د المپیک د لوبو د ځنډولو تصمیم ونیو چې ټاکل شوی وه د ۲۰۲۰ کال د جولای په میاشت کې په توکیو کې وشي.
دا پداسې حال کې دي چې د جاپان صدراعظم شینزو ابی، ویلي دي چې د کروناویروس د کابو کیدو پرته به په ۲۰۲۱ کال کې ددغو لوبو ترسره کیدل ممکن نه وي.