تاند، چهارشنبه، د جوزا ۷مه: د کابل پولیسو نن په دغه ښار کې له یوې څلور کلنې ماشومې سره یو ځای تښتول شوی موټر له غلو بېرته نیولی دی.
د کابل امنیه قومندانۍ ویاند فردوس فرامرز تاند ته پېښه تایید کړه او زیاته یې کړه نن غرمه دولس بجې غلو یوه ۴ کلنه ماشومه چې د خپل پلار په موټر کې ناسته وه، له موټر سره تښتولې خو دوی دغه ماشومه ژغورلې ده: (( د نجلۍ پلار موټر درولی او نږدې دوکان ته تللی چې غلو په موټر کې ناسته ماشومه له چالان موټر سره تښتولې خو بریالی نه شول.))
د فرامرز په خبره پېښه د دیارلسمې حوزې په ریګریشن سیمه کې شوې ده.
د فرامرز په خبره د غلو په نیولو بریالي شوي نه دي خو پلټنې ورپسې روانې دي.
دا په داسې حال کې ده چې په کابل کې د جرایمو د مخنیوي هڅې ګړندۍ شوې دي خو لا هم د کورنیو چارووزارت د معلوماتو له مخې ۴۱ مشهور غله او بانډونه یې فعال دي چې په غلا، تښتونو او وژنو کې لاس لري.
د کورنیو چارو وزارت سره چې د ٤١ غلو بانډونو لست شته نو معلومه ده چې ادرسونه یې هم شته نو بیا یې ولې نه نیسي؟