تاند (پنجشنبه، د زمري/ اسد ۲۹ مه) د طالبانو حکومت ته نژدې رسنۍ المرصاد، د پنجشنبې په ورځ د مقاومت جبهې د یوه قوماندان د حسیب پنجشیري د وژل کېدو خبر ورکړ.
المرصاد لیکلي چې حسیب پنجشیري، چې د «حسیب قوای مرکز» په نوم هم پېژندل کېده او د افغانستان د ملي مقاومت جبهې له مهمو قوماندانانو څخه و، د طالبانو د ځانګړو ځواکونو په عملیاتو کې وژل شوی دی.
نوموړي په تېرو کلونو کې د طالبانو پر وړاندې جګړه کړې وه. خو په وروستي یو یا دوو کلونو کې یې د کومې حملې خبر نه و ورکړل شوی. خو پخوا یې لږ ترلږه په خواله رسنیو کې خپل داسي عکسونه خپرول چې پوځي یونیفورم یې اغوستی او وسله په لاس کې لري.
د مقاومت جبهې ته یوې نژدې سرچینې، چې ځان د اندراب جبهه بولي، تایید کړې چې حسب قوای مرکز وژل شوی دی.
د افغانستان د ملي مقاومت جبهې
د مقاومت جبهې د حسیب قوای مرکز وژل کېدا تایید کړه.
نوموړی د جمهوري نظام په مهال هم تر تعقیب لاندې و ځکه چې په خپل سر یې وسله والو ډله جوړه کړې وه، اختطافونه او نور جنايي جرمونه یې کول.
طالبانو د هغو عملیاتو د ځای او حرنګوالي په اړه څه نه دي ویلي چې په پایله کې یې حیب قوای مرکز ووژل شو.