تاند (شنبه د زمري ـ اسد ۱۷مه) افغانستان کې د طالبانو د حکومت د کانونو او پټرولیم وزارت وايي، سبا (یک شنبه) د هرات د زنده جان ولسوالۍ د سیمنټو د تولیدي فابریکې د جوړولو چارې پیلوي.
د دغه وزارت ویاند همایون افغان په اېکس پاڼه لیکلي چې، پر دې فابریکې، ګلبهار سیمنټ شرکت ۱۴۳ میلیونه امریکايي ډالره پانګونه کوي.
تمه ده چې د دې فابریکي په بشپړېدلو سره پنځه زره کسانو ته په مستقیم او غیر مسقیم ډول د کار زمینه برابره شي.
مسوولان وایي، دغه راز به په ورځني ډول دا فابریکه ۳۰۰۰مټریک ټنه سیمنټ توليد کړي، چي د هیواد ۶۰ سلنه اړتیا پوره کوي.