تاند ( جمعه د چنګاښ ـ سرطان ۱۹مه) افغان ایلېون لوبډلې په یوازېنۍ شل اوریزه دوستانه لوبه کې د غوره توپ اچونې په پایله کې له خپل ۳۲۴ منډو دفاع وکړه او سیالې ازبکستانۍ لوبډلې ته یې د ۱۹۹ منډو په توپیر ماتې ورکړه.
افغان ایلېون لوبډلې د مېلمه ازبکستانۍ لوبډلې پر وړاندې لومړۍ توپوهنه وکړه او د ۷ لوبغاړو په زیان سره ۳۲۳ منډې جوړې کړې او سیالې لوبډلې ته یې د ۳۲۴ منډو هدف وټاکه.
د افغان لوبډلې په ګته حسن عیسی خېل ۱۲۰، عمران میر ۷۴، فیصل خان شینوزاده ۳۱ او نورالرحمن ۲۹ منډې جوړې کړې.
ازبکستان د ۷ لوبغاړو په زیان یوازې ۱۲۴ منډې وکړې او لوبه یې د ۱۹۹ منډو په توپیر وبایلله.
د افغان لوبډلې په ګټه نصیر خان معروف خېل، عمران میر او وفادار مومند ۲-۲ او فریدون داودزي یوه ویکټ ترلاسه کړه.