تاند (دوشنبه د چنګاښ/سرطان ۱۵مه) د فوټبال نړیوال فدراسیون (فیفا) د امریکا د ملي لوبډلې بریدګر لوبغاړي فولارین بالوګون ته د ۱۶ غوره لوبډلو پړاو کې د بلجیم پر وړاندې د لوبېدو اجازه ورکړه.
بالوګون د بوسنیا او هرزګوینا پر وړاندې تېره لوبه کې سور کارت اخیستی و.
نوموړی باید د قوانینو له مخې د بلجیم پر وړاندې لوبه کې نه وای.
رویټرز خبري اژانس راپور ورکړی چې د امریکا ولسمشر ډونالډ ټرمپ د فیفا له رییس جیاني انفانتینو غوښتي و چې د بالوګون د سور کارت پر پرېکړې بیا غور وکړي.
دې پرېکړې د فوټبال د مینوالو او شنونکو پراخ غبرګونونه راپارولي او بلجیم هم پرې نیوکه کړې ده.