تاند (دوشنبه د چنګاښ/سرطان ۸مه) تېره شپه د دې ولایت پر څمکنیو ولسوالۍ د پاکستاني الوتکو په بریدونو کې لسګونه کسان وژل شوي او لسګونه نور ټپیان شوي. ځینې خلک د ټپیانو شمېر ۱۶۴ تنه ښيي.
د پکتیا کې د عامې روغتیا رئیس ویلي ښایي د قربانیانو شمېر نور هم لوړ شي.
د عامې روغتیا رئیس، ډاکټر معراجګل عادل باختر خبري آژانس سره په خبرو کې ویلي، چې لومړنۍ شمېرې ښيي د تېرې شپې بریدونو په څمکنیو ولسوالۍ کې ۱۶ تنه وژلي او ۱۶۴ نور یې ټپیان کړي دي.
هغه زیاته کړه چې، په دغو بریدونو کې د خلکو استوګنیز کورونه او عامه ځایونه هم زیانمن شوي دي.
د نوموړي په وینا، د زیانونو ارزونه او د ژغورنې چارې لا هم روانې دي او د بشپړو ارزونو له پای ته رسېدو سره د مرګژوبلې د شمېر د لوړېدو احتمال شته.
دغه راز د پاکستان پوځ تېره شپه پر پکتیکا او کونړ ولایتونو هم هوایي بمبارد کړی چې، له امله یې ملکیانو ته مرګ ژوبله اوښتې ده.