تاند (دوشنبه د غبرګولي/ جوزا ۲۵مه) افغانستان کې د طالبانو د حکومت د صنعت او سوداګرۍ وزارت مرستیال، احمدالله زاهد له ازبکستاني چارواکو سره د کتنې او د تاشکند په نړیوال فورم کې د ګډون په موخه دغه هېواد ته تللی دی.
یاد وزارت په اېکس پاڼه لیکلي چې، نوموړی به د تاشکند نړیوال پانګونې فورم TIIF – 2026 کې ګډون وکړي او د بېلابېلو هېوادونو له چارواکو، پانګوالو او سوداګرو سره ناستې ولري.
خبرپاڼه کې زیاته شوی چې، احمدالله زاهد به د دې سفر پرمهال د اقتصادي همکاریو، پانګونې او سوداګریزو اړیکو د پراختیا په اړه له بېلابېلو چارواکو سره هم خبر ولري.
د طالبانو دصنعت او سوداګرۍ وزارت د معلوماتو له مخې، ټاکل شوې چې د تاشکند نړیوال پانګونې فورم کې د افغانستان د سوداګرۍ خونې استازي او یو شمیر سوداګر هم ګډون وکړي.
د یاد وزارت مسوولانو هیله څرګنده کړې چې دغه سفر به د افغانستان د اقتصادي ظرفیتونو د معرفي کولو او پانګونې د جلب په برخه کې مثبتې پایلې ولري.