تاند (یکشنبه د غبرګولي/ جوزا ۱۰مه) غزني کې د طالبانو امنیه قومانداني وایي، د لوی اختر په ورځو کې د دغه ولایت په مرکز او بېلابېلو ولسوالیو کې ۳۴ټرافیکي پېښې رامنځته شوې دي.
یاده قومنداني زیاتوي چې، د دې ترافیکي پېښو له امله درې کسان مړه او ۳۴ نور ټپیان دي.
د طالبانو د امنیه قوماندانۍ په وینا، په ټپیانو کې ښځې او ماشومان هم شامل دي.
قومانداني زیاته کړې چې د پېښو ډېره برخه د کابل–کندهار پر لویه لاره د اندړو ولسوالۍ شاوخوا رامنځته شوې دي.
مسوولان د دغو پېښو لامل د موټر چټک تګ، د ټرافیکي اصولو نه مراعتول او بېاحتیاطي بولي.
دا په داسې حال کې ده چې، بل لورته بیا یوازې پرون شنبه د لغمان په سرخکانو سیمه کې ترافیکي پېښې له امله ۲۰ کډوال مړه او ۳۵ نور ټپيان شول.
د یادې پېښې قربانیان د خاص کونړ اوسېدونکي وو.