تاند (چهارشنبه، د غويي/ ثور ۲ مه) د امریکا ولسمشر ډونالډ ټرمپ د واشنګټن او تهران ترمنځ د نوو خبرو له پیل مخکې، د ایران له چارواکو وغوښتل چې هغه اته ښځې خوشې کړي چې د اعدام له حکم سره مخامخ دي، او دا یې د خبرو د پیل لپاره «یو مثبت ګام» وباله.
ټرمپ د سېشنبې په ورځ په خپله خواله رسنۍ (ټروت سوشل) کې لیکلي چې د دغو ښځو خوشې کېدا د مذاکراتو فضا بدلولی شي. هغه له ایراني چارواکو وغوښتل چې دغو ښځو ته زیان ونه رسوي او دا پرېکړه یې د ښه نیت نښه وبلله.
د مذاکراتو فضا او سیاسي دریځونه
دا څرګندونې داسې مهال کېږي چې امریکا ځان په خبرو کې په برلاسي موقعیت کې ګڼي. ټرمپ مخکې ویلي و چې له ایران سره اوربند نه غځوي او هڅه کوي یو «ښه تړون» ترلاسه کړي.
په همدې حال کې، راپورونه ښيي چې ښايي د ایران او امریکا ترمنځ خبرې د پاکستان په پلازمېنه اسلام اباد کې د چهارشنبې له سهاره پیل شي. ځینو سرچینو د دې احتمال هم څرګند کړی چې دواړه لوري به ژر د خبرو مېز ته کښېني.
د پخواني تړون پر وړاندې د ټرمپ دریځ
ټرمپ له دې مخکې هم د هغه تړون دفاع کړې چې اداره یې غواړي لاسلیک کړي، او ویلي یې دي چې دا به د ۲۰۱۵ کال تر اتومي تړون «ډېر غوره» وي.
ټرمپ پخوانی تړون، چې د بارک اوباما په دوره کې شوی و، د امریکا د امنیت لپاره «زیانمن» بللی او په ۲۰۱۸ کال کې یې امریکا ترې وایستله.
د اوربند پای او د خبرو احتمال
په ورته وخت کې، د دوو اوونیو اوربند د پای ته رسېدو په حال کې دی، خو یو شمېر سرچینې وایي چې د خبرو د بیا پیل لپاره هڅې روانې دي. که څه هم ایران مخکې د نوې پړاو خبرې رد کړې دي، خو ځینې تازه راپورونه ښيي چې ممکن ایران په خبرو کې ګډون وکړي.
له بلې خوا، ځینې راپورونه وایي چې د امریکا مرستیال ولسمشر جې ډي ونس ښايي د مذاکراتو لپاره پاکستان ته ولاړ شي، او همداراز ویل شوي چې ایران هم کېدای شي یو پلاوی د خبرو لپاره واستوي.
که د ایران دولت رښتیا هم هوښیار وي د صیهونیست نصبه سوډر ترومپ په یوه خبره هم باور ونکړي. څو ځلي دغه سوډر د لعنتي اسرائیلو غلام په ژمنه و خبرو باور وکړ مګر دغه خنزیر منافیق کافر د شا له خوا ایران په خنجر ووهل. زما په اند د ایران دولت هوښیار ده او سړی له یوه غاره دوځله نه چیچل کیږي.