تاند (دوشنبه د وري – حمل ۲۴مه) ننګرهار کې ۱۶ تنه پاکستان ته د تېلو د قاچاق په تور نیول شوي دي.
په دې ولایت کې د طالبانو د امنیې قوماندانۍ ویاند سید طیب حماد ویلي چې، دغه کسان د دغه ولایت په دوربابا ولسوالۍ کې نیول شوي دي.
حماد زیاتوي چې، دوی هڅه کوله پاکستان ته یو ټانکر او ۱۸۲ بوشکو تېل قاچاق کړي.
نوموړي زیاته کړې، چې نیول شویو کسانو په خپل جرم اعتراف کړی او وروسته به عدلي او قضایي بنسټونو ته وسپارل شي.
دا کسان دتېلو د قاچاق په تور داسې مهال نیول کېږي چې، د ایران، اسراییلو د جګړې له امله د په ټوله نړۍ کې تیل او ګازو نرخونه په لوړېدو دي.
افغانستان بیا یو له هغو هېوادونو دی چې، په جګړو کې زیات اقتصادي زیان وي او اقتصاد پوهان یې دلیل دا ښيي چې، داخلي تولیدات نشته او د خوراکي توکو ترڅنګ تیل او ګاز له بهرنیو هیوادونو را واردېږي.