تاند (شنبه د وري – حمل ۲۲مه) د ملګرو ملتونو سرمنشي، انتونیو ګوتېرش د امریکا او ایران ترمنځ د سولې د خبرو هرکلی کړی.
ګوتېرش پر دواړو خواوو غږ کړی چې دا خبرې په “ښه نیت” پیل کړي.
د جمعې په ورځ د ملګرو ملتونو په رسنیزه غونډه کې ګوتېرش پر ښکېلو خواوو غږ کړی چې له دې دیپلوماتیک فرصته ګټه واخلي او په ښه نیت سره د یو دوامدار او هر اړخیز تړون لپاره کار وکړي.
نوموړي بیا ټینګارکړی چې د نړیوالو شخړو له سوله ییز حل پرته بله عملي لاره نشته.
د هغه په وینا دا سوله ییز حل باید د نړیوال قانون، په ځانګړي ډول د ملګرو ملتونو د منشور، سره سم ترسره شي.
د ملګرو ملتونو عمومي منشي دغه راز وویل چې د ګوتېرش ځانګړی استازی په سیمه کې دی، چې د دیپلوماتیکو هڅو ملاتړ وکړي.