تاند (یکشنبه د وري – حمل ۱۶مه) افغانستان کې د طالبانو د حکومت د ټولګټو چارو وزارت ویاند محمداشرف حقشناس وایي، چې د کابل – جلالاباد لویه لار د «تنګي غارو» سیمه کې له غره څخه د پرلهپسې ډبرو راښویېدو له امله لا هم تړلې پاتې ده.
حق شناس په یوه خبرپاڼه کې دغه مالومات خپاره کړې دي.
هغه ویلي، چې دوی له یادې لارې د تېرېدو لپاره خلکو ته د «بدیلې لارې» پر جوړولو کار کوي.
حقشناس زیاتوي چې د کابل – جلالاباد پر لویه لار د سختو ورښتونو او سېلابونو له امله د غره ښویېدو نور ګواښونه هم شته او له ټولو مساپرو یې غوښتي چې د دوی له خبرتیا پرته دې پر یاده لاره تګراتګ نهکوي.
دغه لار شاوخوا دوه ورځې وړاندې د غره د ښویېدو او سختو ورښتونو او سېلابونو له امله تړلې ده چې، مسافر یې له سختو ستونزو سره مخ کړي دي.