تاند (یکشنبه د وري – حمل ۱۶مه) افغانستان کې د طالبانو د حکومت د مشر د نوي فرمان پر بنسټ، اداري او اصولي اسنادو کې د بهرنیو اصطلاحاتو د ارزونې او بدلون لپاره یوه ځانګړې کمېټه جوړېږي.
په یاد فرمان کې راغلي چې دا کمېټه به د عدلیې وزارت تر مشرۍ لاندې فعالیت کوي او غړي به یې د د لوړو زده کړو وزارت، د پوهنې وزارت، د اطلاعاتو او کلتور وزارت، همدارنګه د علومو اکاډمي او د اداره امور استازي وي.
د فرمان د دوهمې مادې له مخې، ټولو دولتي ادارو ته سپارښتنه شوې چې په خپلو اداري او اصولي اسنادو کې کارېدونکي بهرني اصطلاحات راټول او د مناسب بدیل او دلایلو سره یو ځای، د جدول په بڼه یادې کمېټې ته وسپاري.
د درېیمې مادې له مخې، کمېټه مکلفه ده چې لېږل شوي اصطلاحات وڅېړي او د اسلامي او افغاني اصطلاحاتو په پام کې نیولو سره، مناسب او مستند بدیلونه وټاکي او د وروستي تأیید لپاره وړاندې کړي.
په فرمان کې کمېټې ته دا واک ورکړل شوی چې، د اړتیا په صورت کې د اړوندو ادارو استازي د لا زیاتو معلوماتو لپاره راوغواړي.
د فرمان د څلورمې مادې له مخې، دا حکم د صادرېدو له نېټې څخه نافذ ګڼل کېږي او ټاکل شوې چې په رسمي جریده کې هم خپور شي.
افغانستان یو مستقل او خپلواک هېواد دی، هر هېواد خپله ګډه ژبې لري ¸خپل قوانین ، اصطلاحات ، دود دستور لري.
له بلې خوا ژبه د افهام او تفهیم وسیله ده ، یعنې د یو بل د پوهېدو او پوهلو ذریعه ده . په خواشینۍ سره د افغانانو مهاجرت او په نوروهېوادونو کې د تحصیل یا اوسېدو له امله ډېرو افغانانو خپله اصلي ژبه هېره کړېده او د پردیو کلمې او اصطلاحات یې راوړي او سړی نه پوهیږي ، چې دوی څومره عقب مانده او بېرته پاته خلک دي؟
مثلا ایراني اصطلاح راه بردی چې تحت الفظي د لارو وړل یا د لارو غلا او قطاع الطریقي ته وایی ، خو هغوی یې د ستراتېژیک پرځای کاروي ،
دریا چې افغانان یې سیند او رود ته وایي ، خو ایرانیان بیا بحر یا سمندر ته وایي.
د انګلیسي چلینچ کلمې ته ایرانیانو د چالش اصطلاح جوړه کړېده خو زمونږ نطاقان به د ستونزو او مشکلاتو لپاره کاروي ،
رادیو تلویزیون ته ایران صدا و سیما وایي .
له پاکستانه راغلي کډوال بیا کچالو ته آلو ګان وایی. آلو خو یوه مېوه ده .
هغوی موټرو ته ګاډي وايي .
کېدای شي ، د دوی مقصد نور اصطلاحات وي .
سړی حیران شي د ټولو نظامي او غیری نظامي تاسیساتو نومونه مو عربي کړل، تاریخ عربي کاروئ او عربي کلتور مو رایج کړ. ولې مونږ په تاریخ کې څوک نلرو په خدای چې د خپل هیواد یو لیونی د نورو په شاهانو ورنکړم. مونږ به هله جوړ شو چې پردۍ ایډیالوجي پریږدو، مسلمانان یو خو دین مو باید د پرمختګ مخه ونه نیسي او د ناپوهۍ له امله مو تورې کندې ته ورټیل نه وهي. که دین زده کوو باید عصري علوم حتمي زده کړو.