تاند (چهارشنبه د وري – حمل ۵مه) د جرمني حکومت ویلي چې، نن چهارشنبه یې دوه هغه افغانان چې په دغه هېواد کې یې جرمونه ترسره کړي وو له هامبورګ څخه کابل ته ولېږدول.
د رسنیو د راپورونو له مخې، دغه کسان له زندان څخه مستقیم هوايي ډګر ته وړل شوي او په عادي الوتنو کې کابل ته لېږدول شوي دي.
سرچینو ویلي چې، په دغو کډوالو کې یو یې۳۰ کلن سړی دی چې پر پولیس افسرانو د برید په ګډون په تورونو محکوم شوی دی. دغه راز دوهم کس ۳۲ کلن سړی دی چې د پرلسې بریدونو، وسلهوالو غلاوو او نورو تهدیدونو په تور محکوم شوی دی.
باید وویل شي چې جرمني د طالبانو سره د جرمي ریکارډ لرونکو کډوالو ایستل ګړندي کړی دی.
مخکې له دې یې ۲۰ تنه افغانان هم چې په بېلابېلو جرمونو محکوم شوي وو له لیپزیګ څخه کابل ته په یوه ځانګړې الوتنه کې شړل شوي وو.