تاند (پنجشنبه، د کب/ حوت ۲۸ مه) د امریکا د ملي استخباراتو رئیسې تلسي ګبارډ ویلي چې ښايي پاکستان داسې توغندي ولري چې امریکا ته رسېدای شي.
هغې د امریکا د سناجرګې په یوه کمېټه کې د پوښتنو د ځوابولو پر مهال وویل چې د پاکستان د اوږد واټنه توغندیو په پروګرام کې ښايي داسې بینالقاروي بالستیک توغندي شامل وي چې د امریکا د ویشتلو وړتیا ولري.
د امریکا د ملي استخباراتو رییسې زیاته کړه چې د پاکستان ترڅنګ روسیه، چین، شمالي کوریا او ایران هم پر داسې پرمختللو توغندیو کار کوي چې هم اتومي او هم عادي وسلې لېږدولی او امریکا ته رسېدلی شي.
تلسي ګبارډ وویل چې دا پرمختګونه د امریکا امنیتي ننګونې زیاتولی شي.
Tulsi Gabbard:
The intelligence community assesses that Russia, China, North Korea, Iran, and Pakistan have been researching and developing an array of novel, advanced, or traditional missile delivery systems, with nuclear and conventional payloads, that put our homeland within… pic.twitter.com/X4g85J3DUh
— Clash Report (@clashreport) March 18, 2026