تاند (سه شنبه د کب – حوت ۲۶مه) رېچارډ بېنېټ وايي په کابل کې د پاکستان بریدونو له امله د ولسي وګړو پر مرګ ژوبلې اندېښمن دی.
د افغانستان لپاره د ملګرو ملتونو د بشري حقونو ځانګړي راپور ورکوونکي رېجارډ بېنټ پر ټولنيزه رسنۍ اېکس يوه پوسټ کې لیکلي: په افغانستان کې د پاکستان هوايي بریدونو او ولسي وګړو مرګ ژوبلې راپورونو سخت “اندېښمن او خواشينی” کړی دی.
نوموړي د قربانيانو له کورنيو سره خواخوږي ښودلې ده.
بېنټ د جګړې له ښکېلو خواو غوښتي چې تاوتريخوالی کم او د “لوړې کچې له زغم” څخه کار واخلي.
نوموړي دغه راز پر ټولو غاړو ټینګار کړی چې د ولسي وګړو او ملي تاسيساتو د ساتنې په ګدون د ټولو نړیوالو قوانينو درناوی وکړي.
دا په داسې حال کې ده چې، د پاکستان حکومت تېره شپه په کابل کې د روږدو کسانو د درملنې پر یوه مرکز هوایي برید وکړ چې، له امله یې سلګونه کسانو ته مرګ ژوبله اوښتې ده.
په دغه برید کې د اوښتې مرګ ژوبلې ارقام لا هم وروستي شوي نه دي.
روغتیا وزارت: تر اوسه ۲۰۰ جسدونه موندل شوي او ۱۷۰ ټپیان روغتون ته لېږدول شوي