تاند (سه شنبه د کب – حوت ۱۹مه) د امریکا د بهرنیو چارو وزیر مارکو روبیو وایي، افغانستان یې د ناسمو نیونو د ملاتړو هېوادونو په نوملړ کې شامل کړ.
روبیو زیاته کړې چې “طالبان” د امریکایي وګړو د نیولو له لارې له واشنګټن د سیاسي امتیاز د ترلاسه کولو هڅه کوي.
هغه د طالبانو پر حکومت غږ کړی چې، د ډینیس کویل او محمود حبیبي په ګډون افغانستان کې ټول بندي امریکایان خوشې کړي.
بل لورته بیا تازه په ملګرو ملتونو کې د امریکا استازي مایک ولټز د امریکایي وګړو د نیولو، د افغان ښځو او نجونو پر زدهکړو د بندیزونو او د ملګرو ملتونو پر ښځینه کارکوونکو د محدودیتونو له امله پر طالبانو نیوکه کړې ده.
مایک ولټز افغانستان په اړه د امنیت شورا غونډې ته ویلي، “د امریکا لومړیتوب د خپلو وګړو امنیت او له افغانستانه د را څرګندېدونکو ترهګریزو ګواښونو مخنیوی دی.”
هغه دغه راز اندېښنه څرګنده کړې چې دا بندیزونه د بشري حقونو او د افغان ښځو پر ژوند ناوړه اغېز کوي او نړۍوالو مرستو ته یې د اړمنو د لاسرسي مخه نیولې ده.
طالبانو بیا تر اوسه په دې تړاو غبرګون نه دی ښودلی.
په امنیت شورا کې د امریکا استازی وايی، د طالبانو په نیټونو جدي شک لري