تاند (چهارشنبه، د کب/ حوت ۶ مه) د پکتیا ولایت په ډنډپټان ولسوالي کې پر دیورنډ کرښې هم د افغان او پاکستاني ځواکونو ترمنځ نښتې شوي دي.
شاهدان او ځايي چارواکي وايي، نن (چهارشنبې) ماښام د پکتیا ولایت په ډنډپټان ولسوالۍ کې د طالبانو او پاکستاني عسکرو ترمنځ بیا نښته شوې ده.
سرچینې وايي، جګړه د مقبلې په سرحدي سیمه کې شوې، خو دا نه ده روښانه شوې چې د نښتې دلیل څه و.
تر اوسه د طالبانو چارواکو په دې اړه څه نه دي ویلي، او همداراز د پاکستان پوځ هم تر اوسه رسماً څه نه دي ویلي.
نښته یوه ورځ وروسته له هغې وشوه، چې د افغانستان په ختیځو سیمو کې د طالبانو او پاکستاني ځواکونو ترمنځ جلا سرحدي جګړې شوې وې.
تاوتریخوالی یو ځل بیا د شنبې له شپې راهیسې زیات شوی، کله چې پاکستان د افغانستان پر ختیځو برخو هوايي بریدونه وکړل.
په افغانستان کې د ملګرو ملتونو مرستندوی ماموریت ږیلي چې د پاکستان په هوايي بریدونو کې لږ تر لږه ۱۳ ملکیان وژل شوي دي.