تاند/ سه شنبه د وږي ـ سنبلې ۳مه/ ننګرهار کې د نن سهار زلزلې ۱۵ کسان ژوبل کړي دي.
د طالبانو د ولایت رسنیز دفتر دا خبر خپور کړی دی.
خبرپانه مې ویل شوي چې، په ژوبلو کې ښځې او ماشومان هم شامل دي او سطحي ژوبل شوي دي.
د سرچینې په وینا، ټپیان د جلالاباد ښار، بهسود، کوز کونړ او یو شمېر نورو ولسوالیو څخه د درملنې لپاره د ننګرهار حوزوي روغتون ته لېږدول شوي او د ټولو وضعیت د ډاډ وړ ښودل شوی دی.
د زلزلې د ثبت نړیوالو ادارو (USGS او EMSC) د وروستۍ زلزلې مرکز د جلالاباد ښار شمال ته شاوخوا څلور کیلومتري ښودلې ده.
دوی وایي، زلزله د رېښتر په کچه ۴.۹ درجې وه او د زلزلې ژوروالی ۱۰ کیلومتره وو.