تاند (سې شنبه، د کب/ حوت ۵ مه) راپورونه وايي چې د ننګرهار ولایت د نازیان ولسوالۍ اړوند پر دیورند کرښه د افغان او پاکستاني پوځیانو ترمنځ نښته شوې ده.
راپورونه وايي چې نښته تر غرمې مخکې پیل شوه او د دې خبر د خپرېدو تر شېبې روانه ده.
د طالبانو ویندوی ذبیح الله مجاهد ځینو رسنیو ته ویلي چې لومړی پاکستاني ملېشو پر افغان لوري ډزې پیل کړې. د مجاهد په وینا د دوی ځواکونو د پاکستاني ملېشو د دزو په وړاندې غبرګون وښود.